Onlayn mühasibat uçotu üçün proqram təminatı, ödənişlərinizi onlayn hesablama yolu ilə daha sürətli almanıza da kömək edə bilər.
Sadə inventar
Bir çox şirkətlər sadə inventarlaşdırmanı elektron cədvəllərdə aparırlar. Mühasibat uçotu proqramı rəflərinizdəki malların və ya kassalarınızdan keçən malların sayını izləməyi çox asanlaşdırır.
Bu sadə və ya dövri inventarlaşdırma əksər onlayn mühasibat uçotu proqramına daxil edilmişdir. Masaüstü mühasibat proqramları və inventarlaşdırmanın onlayn proqramları hansı müştərinin mal aldığını və bundan əvvəl onların neçə mal aldıqlarını göstərən daha mürəkkəb inventarlaşdırmaya malikdirlər. O, həm də mövsümi tələbi – bir məhsulun digərlərindən daha çox satıldığı ilin vaxtını göstərə bilər və hansısa bir məhsulun tükəndiyini sizə xəbər verə bilər. Onlar həmçinin əşyaların harada saxlanıldığını (mağazalarda və ya anbarlarda) və məhsulların istehsal tarixi kimi digər dəyişən amilləri də izləyə bilərlər.
Resurslar
Fəaliyyət göstərmələrindən ötrü əksər müəssisələrə müəyyən avadanlıqlar lazımdır. Avtomobillər, furqonlar, mebel, binalar və digər əsas vasitələr – bunlar müəssisənin idarə olunmasından ötrü vintciklər və təkərlərdir. Onlar da digər şeylər kimi izlənilməli və idarə olunmalıdırlar.
Siz bunu elektron cədvəldə asanlıqla edə bilərsiniz. Və yaxud siz bunu digər maliyyə məlumatları ilə birlikdə bir proqramda yaza bilərsiniz. Onlayn mühasibat proqramı vaxt aparan prosesləri yenidən sadələşdirir və sürətləndirir.
Şirkət bütün bu məlumatları cədvəl dəsti şəklində saxlaya bilər və ya hamısını bir proqramla əvəz edə bilər. Yaxşı bir mühasib, inanılmaz qiymətli tendensiyaları görmək üçün onlayn mühasibat proqramınızdakı hesabatlardan necə istifadə edəcəyinizi göstərə bilər.
Satış barədə hesabat, ehtiyatları planlaşdırıldığından daha erkən doldurulması lazım gələn yeni tələbat sahəsini göstərə bilər. Xərclər barədə hesabat dərhal aradan qaldırılması zəruri olan hədsiz xərcləri aşkara çıxara bilər.
Əsas tendensiyaları görmək üçün heç bir hesabat yaratmaq lazm gəlmir. Bütün onlayn mühasibat proqramları bir ekranda ən vacib məlumatları ümumiləşdirmək üçün informasiya panelindən istifadə edir. Buraya bank qalıqlarınız, qarşıdakı hesab-fakturalar və satış hesab-fakturalarınız, pul vəsaitlərinin hərəkəti göstəricisi və xüsusi xərcləriniz və ya satış hesablarınız daxil edilə bilər.
Mühasibat uçotu üçün proqram təminatı yaxşı bir ideya kimi səslənir, elə deyilmi?
Onlayn mühasibat proqramları, cədvəllərin gücünü mühasib olmayanların istifadəsi üçün çox daha asan bir formatla birləşdirdiyinə görə populyardır.
Onlayn proqram təminatının stolüstü kompüterlərin proqram təminatından üstün olması ilə bağlı çoxsaylı səbəblər mövcud olmasına baxmayaraq, bəzi hallarda stolüstü kompüterlər üçün təminat proqramları daha yaxşı həll yolu hesab olunur.
